Mazi Ladki Bahin Yojana Will Not Stop Says Devendra Fadnavis: महाराष्ट्रातील ‘माझी लाडकी बहीण योजना’ (Majh Ladki Bahin Yojana) लवकरच बंद होणार असल्याच्या अफवांवर मुख्यमंत्री देवेंद्र फडणवीस यांनी स्पष्टीकरण दिले आहे. विरोधकांकडून आरोप होत आहेत की राज्यातील महिलांसाठी चालविली जाणारी लाडकी बहीण योजना बंद केली जाणार आहे. मात्र, या सर्व अफवांना मुख्यमंत्री फडणवीस यांनी पूर्णतः खोडून काढले आहे.
मुख्यमंत्री फडणवीस म्हणाले, “आमच्यावर आरोप केले जात आहेत की आम्ही ‘माझी लाडकी बहीण योजना’ आणि इतर कल्याणकारी योजना बंद करणार आहोत. मी स्पष्ट करतो की महिला, दलित, वंचित आणि मागासलेल्या वर्गासाठी सुरू असलेल्या सर्व योजना सुरूच राहतील. एवढेच नाही, तर आमच्या निवडणूक जाहीरनाम्यात दिलेली सर्व आश्वासने पूर्ण करण्यात येतील.”
माझी लाडकी बहीण योजना सुरूच राहणार, महिलांना दिलासा
फडणवीस यांच्या या स्पष्टीकरणामुळे ‘माझी लाडकी बहीण योजने’च्या लाभार्थी महिलांना मोठा दिलासा मिळाला आहे. या योजनेच्या माध्यमातून महिलांना आर्थिक मदत तसेच वर्षाला 3 गॅस सिलिंडर मोफत दिले जात आहेत. महिलांच्या सक्षमीकरणासाठी ही योजना खूपच महत्त्वाची मानली जाते.
🔥 हेही वाचा 👉 BIG NEWS : 1.27 कोटी महिलांच्या खात्यात आज 1,553 कोटी रुपये होणार जमा, लाडक्या बहिणींची संक्रांत गोड होईल का?.
अफवांवर विश्वास ठेवू नका – मुख्यमंत्री देवेंद्र फडणवीस
मुख्यमंत्र्यांनी लाडक्या बहिणींना आवाहन केले आहे की, “कोणत्याही प्रकारच्या अफवांवर विश्वास ठेवू नका. आमचे सरकार महिलांच्या आणि समाजातील दुर्बल घटकांच्या कल्याणासाठी कटिबद्ध आहे.” लाडकी बहीण योजना बंद केली जाणार नाही.
🔥 हेही वाचा 👉 लाडक्या बहिणींची चिंता वाढली.
सरकारची वचनबद्धता
मुख्यमंत्र्यांनी त्यांच्या जाहीरनाम्यातील आश्वासनांबद्दलही भाष्य केले. ते म्हणाले, “आमच्या सरकारचे काम जनतेसाठी असून विकासाच्या मार्गावर राज्याला घेऊन जाण्याचे आमचे ध्येय आहे. महिलांसाठी लागू असलेल्या सर्व योजना येत्या काळात अधिक प्रभावीपणे राबवल्या जातील.”
🔴 मोठी बातमी 👉 या महिलांना 1500 रुपये सुद्धा नाहीत मिळणार, अर्ज होणार बाद!.
मुख्यमंत्री देवेंद्र फडणवीस यांच्या या विधानामुळे ‘माझी लाडकी बहीण योजने’बाबतचा (Majh Ladki Bahin Yojana Maharashtra) गैरसमज दूर झाला आहे. ही योजना आणि इतर कल्याणकारी योजना सुरूच राहणार असल्याचे स्पष्ट झाले आहे.
🔥 हेही वाचा 👉सोन्याची आजची किंमत 13 जानेवारी 2025.
