मुंबई: महाराष्ट्रातील महिलांसाठी सुरू करण्यात आलेली मुख्यमंत्री माझी लाडकी बहीण योजना (Mukhyamantri Majhi Ladki Bahin Yojana) सध्या चर्चेचा विषय ठरत आहे. निवडणुकीपूर्वी महायुती सरकारने महिलांना दरमहा २१०० रुपये देण्याचे आश्वासन दिले होते. मात्र, सत्तेत आल्यानंतरसुद्धा महिलांना सध्या फक्त १५०० रुपयेच दिले जात आहेत, त्यामुळे महिलांमध्ये नाराजीचे वातावरण आहे. (Challenges in implementing Majhi Ladki Bahin Yojana: Delayed ₹2100 payments, opposition questions, and financial constraints. Read the latest updates on this Maharashtra scheme).
विरोधकांचा सरकारवर हल्लाबोल
महायुती सरकारने दिलेल्या आश्वासनांची पूर्तता होत नसल्याने विरोधकांनी सरकारवर हल्लाबोल केला आहे. काँग्रेस नेते विजय वडेट्टीवार यांनी विचारले, “लाडकी बहीण लाभार्थ्यांची यादी फक्त मतांसाठीच होती का?”
राज्य सरकारने या योजनेअंतर्गत लाभ घेणाऱ्या महिलांवर काही अटी लागू केल्या आहेत. लाभार्थींचे क्रॉस-व्हेरिफिकेशन करून निकष पूर्ण न करणाऱ्या महिलांची नावे यादीतून काढली जाणार असल्याचे सरकारने स्पष्ट केले आहे.
२१०० रुपये देण्यासाठी विलंब का?
राज्याच्या आर्थिक स्थितीचा विचार करता, या आर्थिक वर्षात लाडकी बहीण योजनेचा (Mazi Ladki Bahin Yojana) २१०० रुपयांचा हप्ता सुरू करणे शक्य नसल्याचे अर्थ विभागाच्या अधिकाऱ्यांनी स्पष्ट केले आहे. “ही रक्कम पुढील आर्थिक वर्षात लागू होईल,” असे सरकारने सूचित केले आहे.
🔥हेही वाचा 👉 सोन्याची आजची किंमत 11 जानेवारी 2025.
योजनांच्या अटींवर महिलांमध्ये संभ्रम
लाडकी बहीण योजनेचा लाभ घेणाऱ्या महिलांना इतर सरकारी योजनांचा लाभ घेता येणार नाही. त्यामुळे शेतकरी कर्जमाफी किंवा शेतकरी सन्मान योजना यांसारख्या योजनेमध्ये निवड करणे महिलांसाठी अवघड बनले आहे.
🔥 हेही वाचा 👉 ठरल तर मग! या महिला राहणार जानेवारीच्या हफ्त्यापासून वंचित.
सरकारची भूमिका स्पष्ट
महिला आणि बालकल्याण मंत्री अदिती तटकरे यांनी विरोधकांच्या आरोपांना उत्तर देत सांगितले, “योजनेच्या नियमांचे उल्लंघन झाल्यासच चौकशी होईल. योजनेसाठी पात्र महिलांना कोणत्याही अडचणी येऊ दिल्या जाणार नाहीत.”
अंमलबजावणीच्या अडचणी आणि खर्चाचा विचार
महायुती सरकारने या योजनेसाठी सुमारे ४६,००० कोटी रुपयांचा अंदाज वर्तवला होता. मात्र, रक्कम २१०० रुपये केल्यास हा खर्च ६३,००० कोटी रुपयांपर्यंत जाण्याची शक्यता आहे.
🔥 हेही वाचा 👉 लाडकी बहीण योजना वादाच्या भोवऱ्यात; अपात्र लाभार्थ्यांची चौकशी, विरोधक आणि मंत्र्यांचे आरोप.
महिलांसाठी ठोस निर्णय अपेक्षित
महिलांना आर्थिक स्थैर्य देण्यासाठी सुरू करण्यात आलेल्या लाडकी बहीण योजनेवरून सध्या सरकारवर दबाव येत आहे. आगामी अर्थसंकल्पात २१०० रुपयांच्या निर्णयाची घोषणा होणार का, याकडे सर्वांचे लक्ष आहे.
